Հայաստանի Ազգային անվտանգության ծառայության (ԱԱԾ) հարուցված քրեական գործով Հայաստանի երրորդ նախագահ Սերժ Սարգսյանի եղբայրը` Ալեքսանդր Սարգսյանը, մեղադրյալ է ճանաչվել։
Ըստ Ալեքսանդր Սարգսյանի փաստաբանի՝ Միհրան Պողոսյանի, անցյալ ամռանից Սարգսյանին մեղադրանք է առաջադրվել ՀՀ քրեական օրենսգրքի 178-րդ հոդվածով (խարդախություն):
Ալեքսանդր Սարգսյանի հանդեպ որպես խափանման միջոց ընտրվել է՝ ստորագրություն չհեռանալու մասի։
Ինչ վերաբերվում է Ալեքսանդր Սարգսյանի կողմից 18,5 մլն․ դոլար պետական բյուջե փոխանցելուն, ապա փաստբանը այդ տեղեկությունը չմեկնաբանեց։
«Եթե իրենք հաստատել են, թող իրենք էլ ասեն, թե ինչ հիմքերով է գործ հարուցվել: Իմ պաշտպանյալին ներկայացված մեղադրանքն անհիմն ու ապօրինի է: Ես դա պնդում եմ հուլիս ամսից և բնականաբար Ալեքսանդր Սարգսյանը չի ընդունում մեղադրանքը: Այս պահին ունենք բողոքարկված քննիչի որոշումներ, դատախազի մերժումներ, այդ տրամաբանությամբ շարժվում ենք առաջ»,- ասաց Պողոսյանը։
Հիշեցնենք, որ 2018 թ-ի աշնանը Նիկոլ Փաշինյանը նախընտրական հանրահավաքում հայտարարել էր, որ նախկին նախագահ Սերժ Սարգսյանի եղբայրը` Ալեքսանդր Սարգսյանը, համաձայնել է վերադարձնել Հայաստանի պետական բյուջեին 30 մլն դոլար:
Իսկ ավելի վաղ՝ ԱԱԾ-ն հրապարակել էր զեկույց` նշելով, որ Սարգսյանը հարցաքննվել է Մարտիրոս Սարյանի 14 նկարների գողության մեղադրանքների կապակցությամբ։
Թողնել պատասխան