Այդ մասին հաղորդագրություն է տարածել Հնդկաստանի արտաքին գործերի նախարարության պաշտոնական կայքը՝ մեջբերելով հայ-ադրբեջանական սահմանի վերաբերյալ լրատվամիջոցների հարցումների ԱԳՆ խոսնակի պատասխանը:
«Ռազմական տեղաշարժերի միջոցով սահմանային խախտումները կարող են ապակայունացնել իրավիճակն ու հանգեցնել ռազմական գործողությունների վերսկսման: Մենք կոչ ենք անում սահմանը խախտած կողմին անհապաղ հետ քաշել զինված ուժերն ու կասեցնել ցանկացած հետագա սադրանք»,- հայտարարել է խոսնակը:
Վերջինս ընդգծել է, որ Հնդկաստանը միշտ հանդես է եկել երկկողմ վեճերի քաղաքական ու դիվանագիտական ճանապարհներով խաղաղ կարգավորման կարևորությամբ:
«Հարավային Կովկասի տարածաշրջանում խաղաղությունն ու կայունությունը կարևոր են տարածաշրջանային անվտանգության հեռանկարում»,- նշել է խոսնակը:
Թողնել պատասխան