Մեհրիբան Ալիևան այլևս ՅՈւՆԵՍԿՕ-ի դեսպան չէ

az

Մեհրիբան Ալիևան այլևս ՅՈւՆԵՍԿՕ-ի բարի կամքի դեսպան չէ։ Այդ մասին հայտնում են ադրբեջանական ԶԼՄ-ները՝ հղում կատարելով ՄԱԿ-ին կից կառույցի ղեկավար Օդրի Ազուլեին ուղղված Ալիևայի նամակին։ Նամակում մասնավորապես գրվում է, որ Ալիևան «ակտիվորեն մասնակցում է ազատագրված տարածքների վերականգնման լայնածավալ աշխատանքներին» և «չի կարող կատարել ՅՈՒՆԵՍԿՕ-ի բարի կամքի դեսպանի պարտականությունները»:

Այդ կապակցությամբ Նիդերլանդների Թագավորությունում և Լյուքսեմբուրգի Մեծ Դքսությունում արտակարգ և լիազոր դեսպան Տիգրան Բալայանն իր թվիթերյան միկրոբլոգում գրել է.

«Օրը սկսելու հիանալի նորություն. Ադրբեջանի նախագահի կինը՝ Ադրբեջանի առաջին փոխնախագահը, այլևս ՅՈՒՆԵՍԿՕ-ի բարի կամքի դեսպան չէ։

Տասնամյակներ շարունակ այս կազմակերպության արժեքների և սկզբունքների դեմ աշխատելուց, ՅՈՒՆԵՍԿՕ-ի առաքելությանն իր վերահսկողության տակ գտնվող տարածքներ մուտքը մերժելուց հետո, արդարությունը վերականգնվեց»։

Մեհրիբան Ալիևան այլևս ՅՈւՆԵՍԿՕ-ի դեսպան չէ

Հիշեցնենք, որ Մեհրիբան Ալիևան ՅՈՒՆԵՍԿՕ-ի բարի կամքի դեսպան է նշանակվել 2004 թվականին։

Դիտումների քանակը: 3596
Հետրեք մեզ telegram-ի միջոցով: @arcakh24
Մեկնաբանել կայքում
մեկնաբանւթյուն

Թողնել պատասխան

Ձեր էլ-փոստի հասցեն չի հրապարակվելու։

Հեղինակի մասին