Հարավային Կովկասում ԵՄ հատուկ ներկայացուցիչ Տոյվո Կլաարը կարևոր է համարել Վաշինգտոնում Հայաստանի և Ադրբեջանի արտգործնախարարների միջև երեկ կայացած հանդիպումը։ Այդ մասին նա անդրադարձել է իր թվիթերյան միկրոբլոգում։
«Ուրախալի է, որ Արարատ Միրզոյանն ու Ջեյհուն Բայրամովը ներգրավված են երկկողմ խաղաղության պայմանագրի շուրջ բանակցությունների առարկայական գործընթացում»,– գրել է Կլաարը։
Հիշեցնենք, որ նոյեմբերի 7-ին Վաշինգտոնում կայացել է Հայաստանի ԱԳ նախարար Արարատ Միրզոյանի և Ադրբեջանի ԱԳ նախարար Ջեյհուն Բայրամովի հանդիպումը։ Կողմերը մտքեր են փոխանակել հավանական խաղաղության պայմանագրի տարրերի վերաբերյալ և արձանագրել, որ առկա են մի շարք խնդիրներ, որոնք դեռևս հասցեագրման կարիք ունեն։
Թողնել պատասխան