Հունվարի 23-ին որոնողական աշխատանքներ են իրականացվել Վարանդայի/Ֆիզուլի/ և Մատաղիս շրջաններում և Քաշաթաղի հարավային թևում: Այդ մասին հաղորդում է ԱՀ ԱԻՊԾ մամուլի ծառայությունը։
Աշխատանքների արդյունքում վերադարձրել են ևս 30 զինծառայողի աճյուն, որն ադրբեջանական կողմն է փոխանցել հայկական կողմին՝ չնշելով նրանց գտնվելու վայրը:
Մարմիններն անճանաչելի են: Նշանակվել է դատաբժշկական փորձաքննություն նրանց ինքնությունը պարզելու նպատակով:
Աղբյուրի փոխանցմամբ որոնողական աշխատանքներին մասնակցում են ինչպես զոհված կամ անհայտ կորած զինծառայողների հարազատները, այնպես էլ ռազմագործողություններին մասնակցած կամ տարածքին ծանոթ ուղեկցող-կամավորները:
Նշենք, որ 2020 թվականի նոյեմբերի 13-ից առ այսօր հայտնաբերվել է 1281 աճյուն:
Փրկարար-որոնողական աշխատանքներն այսօր շարունակվում են Ջրականի/Ջաբրայիլ/, Վարանդայի/Ֆիզուլի/ և Հադրութի շրջաններում:
Թողնել պատասխան