“Սբ. Գրիգոր Լուսավորիչ” բժշկական կենտրոնի տնօրեն Արա Մինասյանին մեղադրանք է առաջադրվել։ Ինչպես հայտնում է Քննչական կոմիտեն՝ 2016-2017 թթ․ Մինասյանը իր աշխատակազմի աջակցությամբ բյուջետային գումարների փաստաթղթեր է պատրաստել պետծառայողների բժշկական զննության համար։ Այդ գումարի մի մասը բժշկական կենտրոնին դուրս էր գրվում կեղծ՝ գոյություն չունեցող մարդկանց վրա։ Նախնական հաշվարկներով վնասի չափը գնահատվում է 426 մլն դրամ։
Ըստ Քննչական կոմիտեի՝ Արա Մինասյանը թաքնվում է քննությունից և պարզ չէ նրա գտնվելու վայրը։ Նրա նկատմամբ հայտարարվել է հետախուզում։ Միջնորդություն է ներկայացվել դատարան՝ որպես խափանման միջոց կալանավորումն ընտրելու վերաբերյալ։
Նշենք, որ Արա Մինասյանը Սերժ Սարգսյանի աղջկա կեսրարն է։
Թողնել պատասխան