Նիդեռլանդները ցանկանում են դեսպանություն բացել Հայաստանում: Համապատասխան տեղեկատվությունը տեղադրվել է այսօր՝ երկրի արտաքին գործերի նախարարության պաշտոնական կայքում:
Զեկույցում մասնավորապես ասվում է, որ Հայաստանը ռազմավարական նշանակություն ունի Նիդեռլանդների համար:
«Հայաստանը գտնվում է Ռուսաստանի, Թուրքիայի և Իրանի միջև, ուստի ունի ռազմավարական նշանակություն: Հայտնի իրադարձություններից և 2018-ի «թավշյա հեղափոխությունից» հետո կառավարությունը սկսեց արդիականացում և պայքար կոռուպցիայի դեմ», — ասվում է հայտարարության մեջ:
Երկրի Ներկայացուցիչների պալատը նույնպես կողմ է Հայաստանում դիվանագիտական առաքելությանը:
Նշենք, որ Հայաստանը տարածաշրջանում միակ պետությունն է, որտեղ Ամստերդամը դեսպանատուն չունի։
Թողնել պատասխան