Բայդենը անդրադարձել է Լեռնային Ղարաբաղում տիրող իրավիճակին

ՋՈ

Դեմոկրատական կուսակցության կողմից ԱՄՆ նախագահի թեկնածու Ջո Բայդենն իր անհանգստությունն է հայտնել Լեռնային Ղարաբաղում տիրող իրավիճակի կապակցությամբ և կոչ արել դադարեցնել կրակը. գրում է ՌԻԱ Նովոստի-ն:

«Ես խորապես մտահոգված եմ Լեռնային Ղարաբաղում բռնությամբ և կոչ եմ անում շտապ դեէսկալացիայի, վերականգնել հրադադարը և վերսկսել Հայաստանի և Ադրբեջանի միջև բանակցությունները», – ասվում է քաղաքական գործչի շտաբի տարածած հայտարարության մեջ:

Նրա կարծիքով, ԱՄՆ-ը պետք է պնդի, որ շփման գծի երկայնքով դիտորդների քանակն ավելացվի և «Ռուսաստանին կոչ անի դադարեցնել երկու կողմերին զենքի ցինիկ մատակարարումը»: Բացի այդ, Վաշինգթոնը պետք է վերանայի իր օգնության ծրագրերը՝ համոզվելու համար, որ ոչ մի զենք չի կարող օգտագործվել հարձակողական նպատակներով:

«Բռնությունը Լեռնային Ղարաբաղում սպառնում է վերաճել ավելի մեծ տարածաշրջանային հակամարտության, ուստի տարածաշրջանի երրորդ կողմերը պետք է հեռու մնան հակամարտությունից, իսկ Մինսկի խմբի միջնորդները պետք է անհապաղ ձգտեն դեէսկալացիայի և վերադառնան բանակցությունների», -ասել է Բայդենը:

Դիտումների քանակը: 3962
Հետրեք մեզ telegram-ի միջոցով: @arcakh24
Մեկնաբանել կայքում
մեկնաբանւթյուն

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Հեղինակի մասին