Արցախցին կիբեռհարձակման թիրախում է

cyber

Կիբեռանվտանգությունը ներկայիս պայմաններում դառնում է ազգային անվտանգության ամենակարևոր ոլորտներից մեկը, քանի որ այն կարող է երկրների կարևորագույն հանգույցների խաթարման պատճառ դառնալ։ Արցախի Հանրապետությունը ևս հանդիսանում է կիբեռհարձակումների թիրախ, որոնք հիմնականում իրականացվում է Ադրբեջանի հաքերային խմբավորումների կողմից։

Այսօր՝ սեպտեմբերի 8-ին, Արցախի Հանրապետության Ազգային անվտանգության ծառայությունը հայտարարություն է տարածել, որ հետամուտ լինելով ԱՀ օրենսդրությամբ իրեն վերապահված գործառույթների և լիազորությունների իրականացմանը, ձեռնարկված օպերատիվ-հետախուզական միջոցառումների և սոցիալական ցանցերում մշտադիտարկման աշխատանքների ընթացքում ի հայտ է բերել, որ վերջին օրերին Ադրբեջանի Հանրապետության հատուկ ծառայություններն, օգտագործելով արդի տեղեկատվական տեխնոլոգիաների հնարավորությունները, հաքերային հարձակման են ենթարկել հանրապետության մի շարք քաղաքացիների սոցիալական ցանցերի օգտահաշիվներ՝ հրապարակելով դրանցում առկա լուսանկարներ և անձնական տվյալներ պարունակող տեղեկատվություն:

Արցախի Հանրապետության ԱԱԾ-ն սոցիալական ցանցերից օգտվող քաղաքացիներին հորդորում է ավելի ուշադիր և զգոն լինել, զերծ մնալ սոցիալական ցանցերում և նամակագրության ժամանակ անձնական տվյալների, հատկապես զինվորական ծառայության և ծառայության մեջ գտնվող անձանց վերաբերյալ տեղեկատվության հրապարակումից:

Դիտումների քանակը: 3661
Հետրեք մեզ telegram-ի միջոցով: @arcakh24
Մեկնաբանել կայքում
մեկնաբանւթյուն

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Հեղինակի մասին