Հայաստանի Անվտանգության խորհրդի քարտուղար Արմեն Գրիգորյանը, խոսելով վերջերս Զինված ուժերում տեղի ունեցած մահվան դեպքերի մասին, նշեց, որ շատ քայլեր են ձեռնարկվել, բայց կան բնագավառներ, որտեղ հաջողություն դեռևս ձեռք չի բերվել:
«Այս հարցը մեր օրակարգում է, մեզ համար բոլոր միջադեպերը ցավոտ են, նույնիսկ փոքր վնասվածքները: Մենք փորձում ենք աշխատանքներ իրականացնել, բանակում առկա խնդիրների մեծ մասն ավելի լայն սոցիալական խնդիրներ են: Քրեական մշակույթի դեմ պայքարը նպատակ ունի նաև խթանել բանակում իրականացվող բարեփոխումները: Այս խնդիրը շատ բարդ է, այն չի կարող լուծվել մեկ քայլով, բայց մենք անում ենք հնարավոր ամեն ինչ», — ասաց Գրիգորյանը:
Հարցին, թե անհանգստություն չի՞ առաջացնում այն հանգամանքը, որ ՊԲ հրամանատարի, ԱԱԾ բաժնի պետի և մի շարք պաշտոնատար անձանց որդիները ծառայում են նույն զորամասում, Գրիգորյանն ասաց, որ սա բազմաշերտ և խորը խնդիր է, բայց այդ խնդիրները օրակարգում են։
Թողնել պատասխան