Հայ զինծառայողներին զրկել են սմարթֆոններից: Դրանք կփոխանցվեն զինվորականների ծնողներին։
Այդ մասին իր ֆեյսբուքյան էջում գրել է ՀՀ ՊԲ խոսնակ Արծրուն Հովհաննիսյանը։
Նա հայտնել է, որ անցած երկու օրերի ընթացքում ՀՀ զինված ուժերի շարքերը ստուգվել են հրամանատարության և ռազմական ոստիկանության կողմից, որի ընթացքում զորքերում հայտնաբերվել են մի քանի հարյուր սմարթֆոններ:
“Բոլոր հեռախոսները կփոխանցվեն զինծառայողների ծնողներին: Մեկ անգամ ևս դիմում ենք զինծառայողների ծնողներին և հարազատներին ձեռնպահ մնալ չարտոնված հեռախոսներ զինծառայողներին տալուց”,- գրել է Պաշտպանության նախարարության խոսնակ Արծրուն Հովհաննիսյանը:
2018 թվականի օգոստոսից ի վեր հայ զինվորներին թույլատրվում է ունենալ միայն հեռախոսներ առանց խցիկի, առանց ինտերնետ մուտք գործելու հնարավորության, առանց ձայնագրիչի:
Թողնել պատասխան