Արթուր Ալեքսանյանը դուրս եկավ եզրափակիչ

1603285583_2572571

Ըմբշամարտի հունահռոմեական ոճի ըմբիշ Արթուր Ալեքսանյանը Տոկիո 2020-ի կիսաեզրափակիչ գոտեմարտում 4։1 հաշվով հաղթեց Իրանի ներկայացուցիչ Մոհամադհադի Սարավին։ Նա կշարունակի պայքարը ոսկե մեդալի համար։

Առաջին մրցափուլի միջնամասում գյումրեցի ըմբիշը մրցակցի պասիվության համար ստացավ մեկ միավոր ու պարտերում վերևից աշխատելու հնարավորություն, սակայն Սարավին հաջող պաշտպանվեց և Ալեքսանյանին թույլ չտվեց գլորում կատարել: Առաջին մրցափուլում գրանցվեց 1:0 հաշիվը:

Երկրորդ մրցափուլում պարտերում վերևից աշխատելու հնարավորություն ստացավ իրանցի ըմբիշը և հաշիվը հավասարվեց՝ 1:1: Արթուր Ալեքսանյանն անթերի պաշտպանվեց պառկած դիրքից, և ըմբիշները պայքարը շարունակեցին կանգնած: Օլիմպիական չեմպիոնը շատ ակտիվ էր, ինչից հետո մրցակիցը դարձյալ հայտնվեց պարտերում: Արթուր Ալեքսանյանը բարձրացրեց մրցակցին, վաստակեց 2 միավոր, սակայն ոտքի մկանը ձգեց այդ պահին: Մինչ հայ ըմբիշը բուժօգնություն էր ստանում, Իրանի թիմի մարզիչները բողոքարկեցին և պարտվեցին, ինչից հետո հաշիվը դարձավ 4:1: Այդ հաշիվը պահպանվեց մինչև գոտեմարտի ավարտը:

Օգոստոսի 3-ին կայանալիք երափակիչում 29-ամյա Արթուր Ալեքսանյանի մրցակիցը կլինի աշխարհի ու Եվրոպայի կրկնակի չեմպիոն, 28-ամյա ռուսաստանցի Մուսա Եվլոևը:

Դիտումների քանակը: 4148
Հետրեք մեզ telegram-ի միջոցով: @arcakh24
Մեկնաբանել կայքում
մեկնաբանւթյուն

Թողնել պատասխան

Ձեր էլ-փոստի հասցեն չի հրապարակվելու։

Հեղինակի մասին