Ադրբեջանի արտաքին գործերի նախարար Բայրամովը Հայաստանին ուղղված հայտարարություն է արել։
«Մենք Հայաստանին կոչ ենք անում փոխանցել ականապատ տարածքների քարտեզները։ Որքան երկար նրանք հրաժարվեն պատասխանել մեր հարցմանը, այնքան ավելի շատ կյանքեր վտանգի կենթարկվեն»,- թվիթերի իր միկրոբլոգում գրել է Ջեյհուն Բայրամովը։
Այսօր հայտնի դարձավ, որ Ադրբեջանին հանձնված Արցախի Քարվաճառի շրջանում ժամը 11։00 սահմանում ադրբեջանցի լրագրողներին տեղափոխող բեռնատարն ականի վրա պայթել է: AzTV-ի օպերատոր 32-ամյա Սիրաջ Աբիշովը, «Ազերթաջ»-ի աշխատակից 39-ամյա Մագերամ Իբրահիմովը և արտակարգ իրավիճակների նախարարության տեղական ծառայության պետի տեղակալ Արիֆ Ալիևը մահացել են, իսկ չորս անձ տարբեր աստիճանի մարմնական վնասվածքներով հոսպիտալացվել է։
Առ այսօր Ադրբեջանին հանձնված տարածքում 140 ադրբեջանցի է պայթել, նրանցից 27-ը մահվան ելքով։
Թողնել պատասխան