ԵԽԽՎ-ն կոչ է արել Երևանին և Բաքվին անհապաղ անցնել ռազմագերիների փոխանակմանը

ԵԽԽՎ

Եվրոպայի խորհրդի խորհրդարանական վեհաժողովը երկուշաբթի բանաձև է ընդունել ԼՂ հակամարտության վերաբերյալ։ Բանաձևում մասնավորապես նշվում է, որ Ադրբեջանն ու Հայաստանը պետք է զերծ մնան այնպիսի հռետորաբանությունից, որը կխանգարի քաղաքական երկխոսությանը։ Այդ մասին հաղորդում է ТАСС-ը:

«Կողմերը պետք է հնարավորինս արագ իրականացնեն եռակողմ համաձայնագրի դրույթները»,- ասված է բանաձևում։

Բացի այդ, կոչ է արվում Երևանին ու Բաքվին «հնարավորինս արագ իրականացնել 2020թ. նոյեմբերի 9-ի եռակողմ հայտարարության դրույթները, որոնք վերաբերում են մարդասիրական հարցերին»:

ԵԽԽՎ-ն խորհուրդ է տվել «անհապաղ անցնել ռազմագերիների փոխանակմանը, հարգել մշակութային ժառանգությունը, ձեռնպահ մնալ քաղաքական երկխոսությանը խանգարող հռետորաբանությունից»։

Վեհաժողովում «լուրջ մտահոգություն են հայտնել Ղարաբաղում հակամարտության ժամանակ մարդասիրական իրավունքի և մարդու իրավունքների նորմերի խախտման վերաբերյալ», «ինչպես նաև կրոնական օբյեկտներին, հուշարձաններին, մասնավոր սեփականությանը հասցված վնասի մասին» հաղորդումների կապակցությամբ: ԵԽԽՎ-ն ակնկալում է, որ «այդ դեպքերը լիովին կհետաքննվեն»։

«Ցանկացած խախտում պետք է վերացվի, իսկ մեղավորները` պատասխանատվության ենթարկվեն», — ասվում է բանաձևում:

Դիտումների քանակը: 4346
Հետրեք մեզ telegram-ի միջոցով: @arcakh24
Մեկնաբանել կայքում
մեկնաբանւթյուն

Թողնել պատասխան

Ձեր էլ-փոստի հասցեն չի հրապարակվելու։

Հեղինակի մասին