Արցախում զոհվել է լրագրող Միքայել Հաջյանի որդին

20201007_162211

Արցախում լուր է տարածվել, որ զոհվել է Արցախի հանրային ռադիոյի քաղաքական վերլուծաբան, լրագրող Միքայել Հաջյանի որդին՝ Երվանդ Հաջյանը։ Այս մասին իր ֆեյսբուքյան էջից հայտնել է գրող, հրապարակախոս Սպարտակ Ղարաբաղցյանը։ «Քիչ առաջ սև լուր ստացա. Զոհվել է Միքայել Հաջյանի որդին՝ Երվանդը. Ապրիլյան պատերազմին էլ զոհվել էր Երվանդի եղբայրը»,–գրել է Ղարաբաղցյանը։

Արցախում զոհվել է լրագրող Միքայել Հաջյանի որդին

Առայժմ այդ տեղեկությունը չի հաստատվոլ ո՛չ ՊԲ֊ի և ո՛չ էլ այլ պաշտոնական աղբյուրների կողմից,

Երվանդ Հաջյանն աշխատում է Արցախի Արտաքին գործերի նախարարությունում։ Սեպտեմբերի 27–ին Ադրբեջանի սանձազերծած պատերազմի առաջին իսկ օրերին Երվանդը կամավոր մեկնել էր առաջնագիծ։ Միքայել Հաջյանի մյուս որդին՝ Նորայր Հաջյանը զոհվել է 2016թ. ապրիլի 4-ի լույս 5-ի գիշերը Թալիշի ուղղությամբ ընթացող թեժ մարտերի ընթացքում։ Նորայր Հաջյանը մասնակցել է նաև Արցախյան ազատամարտին։ Նա 1992թ. դեկտեմբերից մինչև 1995թ. օգոստոսի վերջերը տարբեր կամավորական ջոկատների կազմում («Արամո-114» ԵԿ գումարտակ, Կորյուն Ղումաշյանի ԵԿ գումարտակ, «Արծիվ-24» ԵԿ ջոկատ) մասնակցել է Հայաստանի պաշտպանությանը (Կոռնիձոր, Շուռնուխ) և Արցախի ինքնապաշտպանությանը (Լաչին, Քարվաճառ, Օմարի բարձունք, Կուբաթլու, Մարտակերտ)։ Պարգևատրվել է ՀՀ պաշտպանության նախարարության «Դրաստամատ Կանայան» (04.05. 2007թ.), «Վազգեն Սարգսյան» (14.09.2011թ.), ԼՂՀ «Մայրություն» ՀԿ «Մայրական երախտագիտություն» (09.05.2009թ.) մեդալներով, ՀՀ «Արամազդ» հուշամեդալով, ԼՂՀ Նախագահի հրամանագրով (հետմահու)՝ «Մարտական ծառայություն» (05.04.2016թ.) մեդալով։

Դիտումների քանակը: 3884
Հետրեք մեզ telegram-ի միջոցով: @arcakh24
Մեկնաբանել կայքում
մեկնաբանւթյուն

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Հեղինակի մասին