ՀՀ ՊՆ-ն հերքում է. Ադրբեջանի հայտարարությունը չի համապատասխանում իրականությանը

ՀՀ պաշտպանության նախարարությունը հերքում է Ադրբեջանի հայտարարությունն այն մասին, թե հայկական կողմը կրակել է ադրբեջանական մարտական դիրքերի ուղղությամբ։

«Ադրբեջանի պաշտպանության նախարարության հայտարարությունը, թե հունվարի 8-ին ՀՀ զինված ուժերի ստորաբաժանումները գնդակոծել են հայ-ադրբեջանական սահմանի արևելյան ուղղությամբ տեղակայված ադրբեջանական մարտական դիրքերը, չի համապատասխանում իրականությանը»,– նշված է ռազմական գերատեսչության տարածած հաղորդագրության մեջ:

Նախարարությունից հայտնում են, որ սահմանի տվյալ հատվածում ադրբեջանական ստորաբաժանումները մի քանի անկանոն կրակահերթ են արձակել, որոնց հայկական կողմը չի պատասխանել:

Այս պահին իրադրությունը հայ-ադրբեջանական սահմանի ողջ երկայնքով հարաբերականորեն կայուն է և գտնվում է ՀՀ ԶՈւ լիարժեք վերահսկողության ներքո:

Տեղեկացնենք, որ ավելի վաղ ադրբեջանական մամուլը` հղում կատարելով երկրի ՊՆ-ին, հայտնել էր, որ «հայկական զինված ուժերը հունվարի 8-ին՝ ժամը 13:50-ի սահմաններում, գնդակոծել են ադրբեջանական բանակի դիրքերը Քելբաջարի (Քարվաճառ) շրջանում  Կրակը բացվել է նռնականետերից և խոշոր տրամաչափի զինատեսակներից»։

Դիտումների քանակը: 3648
Հետրեք մեզ telegram-ի միջոցով: @arcakh24
Մեկնաբանել կայքում
մեկնաբանւթյուն

Թողնել պատասխան

Ձեր էլ-փոստի հասցեն չի հրապարակվելու։

Հեղինակի մասին