Հունաստանում չեն ընդունել թուրքական ակումբի ֆուտբոլիստների ՊՇՌ թեստերի արդյունքները

galatasaray_airport_coronavirus

Աթենքի օդանավակայանի աշխատակիցները չեն ընդունել թուրքական Գալաթասարայ ֆուտբոլային ակումբի ֆուտբոլիստների Թուրքիայում արած ՊՇՌ թեստի արդյունքները։ Այդ մասին հաղորդում է Rudaw լրատվական գործակալությունը։

Թուրքական ակումբի ֆուտբոլիստները Աթենք էին եկել, որպեսզի մասնակցեին հունական Օլիմպիակոս ակումբի հետ ընկերական հանդիպման խաղին։

Հունական կողմը թուրքական ակումբից պահանջել է նոր թեստ հանձնել, սակայն Գալաթասարայի ղեկավարությունը մերժել է պահանջը կատարել, որից հետո որոշում է կայացվել վերադառնալ Ստամբուլ։

Թուրքական մամուլն այդ կապակցությամբ իր վրդովմունքն է հայտնել և մեղադրել հունական կողմին խտրականության մեջ։

Դեպքի առթիվ Հունաստանի քաղպաշտպանության նախարարի տեղակալ Նիկոս Շարդալիասը հայտարարել է, որ նման որոշում կայացվել է այն բանից հետո, երբ Գալաթասարայի ֆուտբոլիստներհ հրաժարվել են նոր թեստ հանձնելուց և իր հրամանով էլ վերջիններիս թույլ չեն տվել մուտք գործել Հունաստան։ Նա նաև հավելել է, որ Եվրոպական միության անդամ Հունաստանում հանրային առողջապահությունը և մարդու իրավունքները միշտ էլ առաջնային են։

Հարցն անգամ քննարկվել է Թուրքիայի և Հունաստանի ԱԳՆ ղեկավարների հեռախոսազրույցի ժամանակ։

Դիտումների քանակը: 3678
Հետրեք մեզ telegram-ի միջոցով: @arcakh24
Մեկնաբանել կայքում
մեկնաբանւթյուն

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Հեղինակի մասին