Հայ-ադրբեջանական սահմանի արևելյան ուղղությամբ տեղի է ունեցել փոխհրաձգություն։ Իրավիճակն դեռ շարունակում է մնալ լարված։ Այդ մասին հայտնում են ՀՀ պաշտպանության նախարարության մամուլի ծառայությունից։
«Նոյեմբերի 14-ին, ժամը 13։00-ի սահմաններում, ադրեջանական ԶՈւ ստորաբաժանումները փորձել են դիրքային առաջխաղացում ապահովել հայ-ադրբեջանական սահմանի արևելյան ուղղությամբ։ Սկսվել է ինտենսիվ փոխհրաձգություն։ Հայ դիրքապահները կանխել են հակառակորդի փորձերը՝ դիրքավորվել այդ տարածքում։ Իրադրությունը դեռևս շարունակում է լարված մնալ»,–տեղեկացնում է ՀՀ ՊՆ-ն` հավելելով, որ ներկա պահին, ռուսական կողմի միջնորդությամբ, ընթանում են բանակցություններ՝ իրադրության հանգուցալուծման ուղղությամբ։
Համաձայն աղբյուրի հայկական կողմից տուժածներ չկան։
Թողնել պատասխան