Նորայր Միրզոյանը կապ է հաստատել հարազատների հետ. ԱՀ ՄԻՊ

Գեղամ Ստեփանյանը ընդգծում է, որ այսօրվա միջադեպը պետք է դիտարկել 2020 թվականի նոյեմբերի 9-ի եռակողմ հայտարարությունից հետո ստեղծված իրավիճակի համատեքստում։

ԱՀ ՄԻՊ Գեղամ Ստեփանյանը ԱՀ քննչական կոմիտեում հանդիպել է խաղաղապահ զորակազմից Արցախի իրավապահներին հանձնված ԱՀ քաղաքացուն։

Իր ֆեյսբուքյան էջից պաշտպանը հայտնում է, որ ծանոթացել է դեպքի հանգամանքներին։ Նա նաև հայտնում է, որ Նորիկ Միրզոյանը կապ է հաստատել հարազատների հետ։

«Արձանագրված միջադեպի հանգամանքներն ուսումնասիրելու գործողություններն իրականացվելու են Արցախի Հանրապետության իրավապահ մարմինների կողմից՝ ապահովելով քաղաքացու բոլոր իրավունքներն ու օրինական շահերը։ ՄԻՊ գրասենյակն իր իրավասությունների շրջանակներում իրականացնելու է բոլոր անհրաժեշտ գործողությունները։

Այսօրվա միջադեպը պետք է դիտարկել 2020 թվականի նոյեմբերի 9-ի եռակողմ հայտարարությունից հետո ստեղծված իրավիճակի՝ հրադադարի հաստատումից ի վեր մեկ տարվա ընթացքում Արցախի ժողովրդի նկատմամբ ադրբեջանական կողմի հանցանքերն անպատիժ թողնելու, Արցախի ժողովրդի իրավունքների պարբերաբար ու նպատակային խախտումների և ժողովրդին հոգեբանական ահաբեկման ենթարկելու ամբողջական համատեքստում»,– նշում է պաշտպանը։

Դիտումների քանակը: 3620
Հետրեք մեզ telegram-ի միջոցով: @arcakh24
Մեկնաբանել կայքում
մեկնաբանւթյուն

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Հեղինակի մասին