Մինսկում տեղի ունեցած Միշուստին-Փաշինյան հանդիպմանն անդրադարձ է կատարվել մի շարք հարցերի։ Այդ մասին հայտնում են ՀՀ վարչապետի մամուլի ծառայությունից։
Հայաստանի և Ռուսաստանի միջև ընթացիկ տարվա հունվար–ապրիլ ամիսների արդյունքներով` փոխադարձ առևտրաշրջանառությունն աճել է 30 %–ով և գերազանցել 890 մլն դոլարը։ Նման հայտարարություն է արել Միխայիլ Միշուստինը։
Իր հերթին վարչապետ Փաշինյանը մատնանշել է Միշուստինի կողմից ընդունված Վերին Լարսի անցակետի հետ կապված որոշումները՝ շեշտելով, որ այն միակ ցամաքային ճանապարհն է, որը կապում է Հայաստանին ու Ռուսաստանին:
«Այս համատեքստում, նաև շատ կարևոր է տարածաշրջանային ենթակառուցվածքների բացումը, ողջ տարածաշրջանի ապաշրջափակումը և ցանկանում եմ ևս մեկ անգամ շնորհակալություն հայտնել Ալեքսեյ Օվերչուկին, Մհեր Գրիգորյանին, ովքեր Ադրբեջանի Հանրապետության համանախագահի հետ շատ ինտենսիվ զբաղվում են այդ հարցերով: Հույս ունեմ, որ այն աշխատանքը, որը կատարվել է, դրա արդյունքներով մենք կհանգենք կոնկրետ որոշումների, քանի որ գիտեք, որ տարածաշրջանի տնտեսական և տրանսպորտային ենթակառուցվածքների բացումը կարևոր է տարածաշրջանի բոլոր պետությունների համար: Ընթացիկ իրավիճակում այն ունի առանձնահատուկ նշանակություն»,– նշել է Փաշինյանը:
Թողնել պատասխան