Հայաստանի վարչապետն ու Ֆրանսիայի նախագահն այսօր հեռախոսազրույցի ընթացքում քննարկել են իրավիճակը տարածաշրջանում և այնտեղ տեղի ունեցող վերջին զարգացումները:
Կառավարության հաղորդմամբ` Նիկոլ Փաշինյանն ու Էմանյուել Մակրոնը շեշտել են Մինսկի խմբի համանախագահության հովանու ներքո խաղաղ գործընթացի վերսկսման կարևորությունը՝ Լեռնային Ղարաբաղի հակամարտության քաղաքական կարգավորման համար:
Փաշինյանը բարձր է գնահատել տարածաշրջանում տևական խաղաղության և կայունության հաստատման ուղղությամբ Մակրոնի գործադրած ջանքերը:
Նրանք անդրադարձել են նաև Հայաստանի և Ֆրանսիայի միջև երկկողմ հարաբերություններին և մի շարք ոլորտներում համագործակցության խորացման հեռանկարներին:
Հիշեցնենք, որ Ֆրանսիայի ղեկավարը օրերսհեռախոսազրույց էր ունեցել Ռուսաստանի նախագահի հետ: Պուտինն ու Մակրոնը քննարկել էին նաև ղարաբաղյան խնդիրը:
Թողնել պատասխան