Ադրբեջանի պաշտպանության նախարարության հաղորդագրության համաձայն «հայկական զինված ուժերը գնդակոծել են Մատաղիսից (Սուգովուշան) Քելբաջար ուղևորվող ոչ ռազմական բեռներ տեղափոխող ավտոշարասյունը ուղեկցող ռազմական ոստիկանության ավտոմեքենան»: Ըստ այդ հաղորդագրության` գնդակոծության արդյունքում վնասվել է ռազմական մեքենան, զոհեր, վիրավորներ չկան:
Արցախի պաշտպանության բանակը հերքում է այդ տեղեկությունը:
«Լրիվությամբ ապատեղեկատվություն է և նպատակ է հետապնդում ոչ միայն արհեստական լարվածություն ստեղծել տարածաշրջանում, այլև ստվերել ռուսական խաղաղապահ առաքելության նշանակությունը:
ՊԲ-ի ստորաբաժանումները ամբողջովին հավատարիմ են մնում հրադադարի պահպանման ռեժիմին»,- նշված է ռազմական գերատեսչության տարածած հաղորդագրությունում։
Թողնել պատասխան