Քիչ առաջ Շուշի — Քարին տակ խաչմերուկի հատվածում քաղաքացիական հագուստներով մի խումբ ադրբեջանցիներ բնապահպանական պատճառաբանությամբ փակել են Ստեփանակերտ — Գորիս մայրուղին։ Այդ մասին հայտնում են Արցախի տեղեկատվական շտաբից։
«Ակնհայտ է, որ Ադրբեջանն այս քայլով դիմում է սադրանքի Հայաստանի և Արցախի միջև ցամաքային կապի ընդհատման և խաղաղ բնակչությանը հոգեբանական ահաբեկչության ենթարկելու համար»,- նշված է հաղորդագրության մեջ։
Աղբյուրը հայտնում է, որ միջադեպի վերաբերյալ պատշաճ տեղեկացվել է Արցախում տեղակայված ռուսական խաղաղապահ զորակազմի հրամանատարությունը:
Արցախի պետական մարմինները ձեռնարկում են հնարավոր միջոցները իրավիճակի կարգավորման ուղղությամբ:
Թողնել պատասխան