Արցախի տեղեկատվական շտաբն ամփոփ ներկայացրել է սեպտեմբերի 30֊ի իրադարձությունները։
— Ռազմաճակատում Ադրբեջանը շարունակել է կրել ծանր կորուստներ. միայն այսօր՝ 17 տանկ, 4 զրահափոխադրիչ, 3 ինժեներական տեխնիկա, 13 ԱԹՍ։
— Ադրբեջանական և թուրքական օդուժը թիրախավորել է ՀՀ Վարդենիս քաղաքի զորամասը, հարակից գյուղերը, ինչպես նաև Հայաստանի օդային տարածքը պաշտպանող ՀՀ ԶՈՒ Սու-25 ռազմական օդանավը։ Օդաչուն զոհվել է։
Վարդենիսում ունենք նաև 1 քաղաքացիական կորուստ։
— Առավոտյան տեղեկացանք մեր կողմից ադրբեջանական ուղղաթիռի խոցման մասին։
— Արցախում վերականգնվել է բջջային և համացանցային կապի մեծ մասը։
— ՀՀ վարչապետ Նիկոլ Փաշինյանը հեռախոսազրույց է ունեցել ՌԴ նախագահ Վլադիմիր Պուտինի հետ, ռուսական «Ռոսիա-1» հեռուստաալիքի եթերում ներկայացրել մեր դիրքորոշումը․ բանակցությունները պետք է վերսկսվեն այնտեղ, որտեղ դադարել են՝ համապատասխան մթնոլորտի պայմաններում։
— Ադրբեջանը թիրախավորել է բնակելի տներ Իվանյանում (նախկին՝ Խոջալու)։
— Արայիկ Հարությունյանը հնչեցրել է հստակ. «Զինադադար չենք խնդրելու, զինադադար պարտադրելու ենք։
Զինադադար խնդրելը կնշանակի Հայաստանի կործանում»։ Զինվորականների հետ այս հանդիպման ընթացքում նախագահի հետ էր նաև ՀՀ առաջին փոխվարչապետ Տիգրան Ավինյանը։
— Օրվա հաղթական սիմվոլիկայից՝ նախագահ Ա. Հարությունյանը հանդիպել է ՊԲ հիմնադրման ակունքներում կանգնած գործող և պաշտոնաթող հրամանատարների հետ։
Թողնել պատասխան