Հարավային Կովկասի և Վրաստանի ճգնաժամի հարցերով Եվրամիության հատուկ ներկայացուցիչ Տոյվո Կլաարն արձագանքել է Ադրբեջանի ԶՈւ-ի կողմից հայ ռազմագերիների սպանությանը: Այդ մասին նա գրառում է կատարել իր թվիթերյան միկրոբլոգում։
«Եվս մեկ սարսափելի տեսանյութ, որտեղ ցուցադրվում է հայ գերիների գնդակահարությունը։ Եթե այդ կադրերի արժանահավատությունը հաստատվի, ապա առկա է ռազմական հանցագործություն, որը պետք է հետաքննվի, իսկ մեղավորները` պատժվեն»,-գրել է Կլաարը։
Ավելի վաղ ադրբեջանական տելեգրամ ալիքներում հայտնվել էին տեսանյութեր, որտեղ երևում է ադրբեջանցիների կողմից հայ գերիների խմբի` մոտ վեց զինծառայողի, գնդակահարությունը։ Ենթադրվում է, որ ողբերգական իրադարձությունը տեղի է ունեցել սույն թվականի սեպտեմբերյան բախումների ժամանակ։
Թողնել պատասխան