Հունիսի 9-ին՝ ժամը 18:30-ին, Ադրբեջանի ԶՈւ ստորաբաժանումները Գեղարքունիքի մարզի Կախակնի ուղղությամբ կրակ են բացել ՀՀ ԶՈւ զինծառայողներին տեղափոխող մեքենայի վրա: Այդ մասին հայտնում են ՀՀ ՊՆ մամուլի ծառայությունից։
Աղբյուրը հայտնում է, որ հայկական կողմը կորուստներ չունի:
Հավելենք, որ հունիսի 8-ին էլ, ժամը 17:00-ին Ադրբեջանի ԶՈւ ստորաբաժանումները կրակ էին բացել Տրետուքի հատվածում (Գեղարքունիքի մարզ) տեղակայված հայկական դիրքերի ուղղությամբ:
Իսկ Արցախի Հանրապետությունում հունիսի 8-ին, թշնամին կրակ էր բացել Կարվին տեղամասում գյուղատնտեսական աշխատանքներ կատարող տրակտորի ուղղությամբ։
Թողնել պատասխան