ՀՀ ՊՆ-ն հերքում է պաշտոնական Բաքվի հերթական հաղորդագրությունը` որակելով այն որպես ապատեղեկատվություն։
«Ադրբեջանի պաշտպանության նախարարության տարածած հաղորդագրությունն այն մասին, թե իբր սահմանագոտու արևելյան և հարավարևելյան հատվածում ՀՀ ԶՈՒ ստորաբաժանումները 10:45-ից կրակ են բացել ադրբեջանական դիրքերի ուղղությամբ, հերթական ապատեղեկատվությունն է»,- նշում են ռազմական գերատեսչությունից` հավելելով, որ Ադրբեջանի ՊՆ-ն տեղեկատվական հիմք է ստեղծում հերթական սադրանքի համար:
Հավելենք, որ Ադրբեջանի ՊՆ-ն հաղորդագրություն էր տարածել, որ իբր ՀՀ զինված ուժերը նշված ժամին Քարվաճարի և Բերձորի շրջաններում տարբեր տրամաչափի հրաձգային զինատեսակներից ինտենսիվ կրակ են բացել «ադրբեջանական դիրքերի ուղղությամբ»։
Թողնել պատասխան