Ադրբեջանը սատարում է Վրաստանի անկախությանը, ինքնիշխանությանը և տարածքային ամբողջականությանը՝ միջազգայնորեն ճանաչված սահմաններում։ Այդ մասին նշված է Ադրբեջանի արտաքին գործերի նախարարության թվիթերյան միկրոբլոգի հայտարարության մեջ:
«Ադրբեջանը սատարում է Վրաստանի անկախությանը, ինքնիշխանությանը և տարածքային ամբողջականությանը` միջազգայնորեն ճանաչված սահմաններում: Ադրբեջանն ու Վրաստանը ռազմավարական գործընկերություն են վարում՝ հիմնված միջազգային իրավունքի հիմնարար սկզբունքների հարգման և դրանց հավատարմության վրա», – ասված է Ադրբեջանի արտաքին գործերի նախարարության հայտարարության մեջ:
Վրացական լրատվամիջոցները ակտիվ քննարկելով Ադրբեջանի կողմից կատարած հայտարարությունը հիշեցնում են, որ 2008 թվականի ռուս-վրացական պատերազմից անցել է 13 տարի: 2008 թվականի օգոստոսյան պատերազմը խլեց ավելի քան 400 մարդու կյանք, այդ թվում՝ 170 զինծառայողի: Պատերազմում վիրավորվել և տուժել է 2 232 մարդ, այդ թվում՝ 1045 զինծառայող: Ինտենսիվ մարտերը տևեցին հինգ օր, իսկ ակտիվ ռազմական գործողությունների դադարեցումը հնարավոր եղավ միայն միջազգային հանրության ակտիվացման արդյունքում: Պատերազմի ավարտից կարճ ժամանակ անց Ռուսաստանը ճանաչեց Աբխազիայի և «Հարավային Օսեթիայի» անկախությունը:
Բացի այդ նրանք հայտնում են, որ պաշտոնական Մոսկվան դեռ չի կատարել 2008-ին ստորագրված հրադադարի պայմանագիրը:
Թողնել պատասխան