Ադրբեջանը արձագանքել է Ֆրանսիայի արտգործնախարարի խոսքերին

Ադրբեջանը Ֆրանսիայի արտգործնախարարի հայտարարությունը Ալիևի վերաբերյալ համարում է «դիվանագետին ոչ հարիր»։ Այդ մասին հայտնում է ՌԻԱ Նովոստին։

Ֆրանսիայի ու Ադրբեջանի միջև դիվանագիտական վիճաբանությունը շարունակվում է։ Ֆրանսիայի արտգործնախարարի հնչեցրած միտքը, թե Վալերի Պեկրեսի վերաբերյալ Ալիևի բառերն «անընդունելի են», ադրբեջանական գերատեսչությունն արձագանքել է անմիջապես։

Պատասխան հայտարարության մեջ Ադրբեջանը հայտարարել է, որ Լը Դրիանի կողմից այլ պետության ղեկավարի հայտարարության մեկնաբանությունը «անպատասխանատու ու անընդունելի ձևով հակասում է դիվանագիտական ավանդույթներին»։

Հիշեցնենք՝ ավելի վաղ Ֆրանսիայի արտաքին գործերի նախարար Ժան Իվ Լը Դրիանը Ազգային ժողովում ասել է, որ «նախագահ Ալիևի խոսքերը վերաբերում են ընտրովի պաշտոնյային և Ֆրանսիայի նախագահի թեկնածուին, դրանք անընդունելի են ըստ էության և ըստ ձևի։ Ես այդ մասին հայտնել եմ Ֆրանսիայում Ադրբեջանի դեսպանին»։

Հավելենք, որ դիվանագիտական վեճը սկսվել է այն բանից հետո, երբ Հանրապետական կուսակցության կողմից Ֆրանսիայի նախագահի թեկնածու Վալերի Պեկրեսը 2021-ի դեկտեմբերի 21-ին այցելել է Արցախ։ Իր հարցազրույցներից մեկում Պեկրեսը շեշտել է, որ ակնկալում է Ալիևին ուղղված պաշտոնական Ֆրանսիայի արձագանքը։ Բացի այդ Ֆրանսիայի Սենատի «Հանրապետական» կուսակցության խմբակցության ղեկավար Բրունո Ռետայոն թվիթերյան իր միկրոբլոգում հրապարակել էր դիմումը և հայտնել.

«Ադրբեջանի նախագահ Իլհամ Ալիևի՝ Վալերի Պեկրեսի հասցեին սպառնալիքներից հետո մենք կոչ ենք անում Էմանուել Մակրոնին՝ պահանջել Ադրբեջանից անհապաղ ներողություն խնդրել և քննարկել մեր դեսպանի հետկանչման հարցը»,- գրել էր նա։

Դիտումների քանակը: 3642
Հետրեք մեզ telegram-ի միջոցով: @arcakh24
Մեկնաբանել կայքում
մեկնաբանւթյուն

Թողնել պատասխան

Ձեր էլ-փոստի հասցեն չի հրապարակվելու։

Հեղինակի մասին