Ամենայն Հայոց Կաթողիկոսը ցավակցագիր է հղել Իրանի նախագահին

32061

Փետրվարի 15-ին Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսը ցավակցագիր է հղել Իրանի Իսլամական Հանրապետության նախագահ Հասան Ռոհանիին՝ Իրանի Սիսթան-Բելուջիսթան նահանգում Խաշ-Զահեդան մայրուղու վրա տեղի ունեցած սարսափելի ահաբեկչության կապակցությամբ, որը պատճառ է դարձել մարդկային անմեղ զոհերի։

Ըստ հայտարարության, որը հրապարակվել է Սուրբ Էջմիածնի պաշտոնական կայքում՝ Հայաստանյայց Առաքելական Սուրբ Եկեղեցու հոգևոր դասի և հավատացելոց անունից վշտակցություն հայտնելով նախագահ Ռոհանիին, Իրանի բարեկամ ժողովրդին և զոհերի ընտանիքներին` Ամենայն Հայոց Կաթողիկոսը հայցել է Բարձրյալի մխիթարությունն ու սփոփանքը բոլոր սգակիրների համար:
Շուտափույթ ապաքինում ցանկանալով ահաբեկչությունից տուժած վիրավորներին` Նորին Սրբությունը մաղթել է, որ Աստված աջակից ու օգնական լինի Իրանի ողջ ժողովրդին։

Դիտումների քանակը: 3817
Մեկնաբանել կայքում
մեկնաբանւթյուն

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Հեղինակի մասին