Այսօր, փետրվարի 15-ին, Արցախի Հանրապետության Նախագահ Բակո Սահակյանը ստորագրել է հրամանագիր Կամո Աղաջանյանին որպես հատուկ հանձնարարությունների գծով նախագահի ներկայացուցիչ նշանակելու մասին:
Հիշեցնենք, որ ավելի վաղ Կամո Աղաջանյանը զբաղեցրել էր Արցախի Հանրապետության ոստիկանապետի պաշտոնը: Սակայն, հուլիսյան բողոքի ցույցերից հետո, երբ ցուցարարները պահանջում էին հեռացնել աշխատանքից 3 պաշտոնյանների, այդ թվում նաև Կ. Աղաջանյանին` ոստիկանապետը հրաժարական տվեց:
Իր հրաժարականը Կամո Աղաջանյանը մեկնաբանեց հետևյալ կերպ. «Վերջերս տեղի ունեցած բողոքի ալիքը մտորելու առիթ տվեց բոլորիս, և իմ մտահոգության պատճառն ոչ միայն իմ հրաժարականի պահանջն էր, այլև երկրի ներքին անվտանգությունը վտանգի չենթարկելը և խուսափելը ներքաղաքական ճնշումներից»:
Թողնել պատասխան