Այսօր Հայ Առաքելական եկեղեցու հավատացյալները սկսում են Մեծ Պահքը

61174

Այսօր Հայ Առաքելական եկեղեցու հավատացյալները սկսում են Մեծ Պահքը, որը կտևի 48 օր, մինչև Սուրբ Հարության տոնը` Զատիկ:

Պահքը ներառում է յոթ կիրակի օրեր, արտացոլելով յոթ մասնավորապես հիշարժան իրադարձություններ. Բուն բարեկենդան (Կյանքը դրախտում), Արտաքսում, Անառակ որդու վերադարձը, Անհավատ տնտեսի առակը, Անիրավ դատավորի առակը, Երկրորդ գալստյան մարգարեությունը և Ծաղկազարդ (Հիսուսի մուտքը Երուսաղեմ):

Պահքի 40 օրը խորհրդանշում է անապատում Քրիստոսի քառասնօրյա աղոթքի, ծոմապահության և ապաշխարության շրջանը:

Մեծ Պահքի շրջանը կիսում է միջինքը: Պահքն այդ օրը չի ընդհատվում։  Միայն ժողովրդական ավանդույթների համաձայն, այս օրը, հացահատիկից մի պահոց գաթա է թխվում:

40-օրյա պահքը շարունակում է ևս մեկշաբաթյա պահոցը՝ Ավագ շաբաթ: Այդ է պատճառը, որ 40-օրյա անուն ունեցող պահքը իրկանում 48 օր է տևում:

Ավագ շաբաթվա ամեն մի օրը արտացոլում է հիշարժան իրադարձություն՝

 Երկուշաբթի օրը – Անպտուղ թզենու չորացում։

Երեքշաբթի օրը – Տասը կույսերի առակը։

Չորեքշաբթի օրը – Օծում և մատնություն։

Հինգշաբթի օրը – Վերջին ընթրիք։

Ուրբաթ օր – Տիրոջ խաչելությունը և թաղումը:

Շաբաթ օր – Դժոխքի ավերում, Ճրագալույցի պատարագ:

Զատիկ – Տեր Հիսուս Քրիստոսի Հարության տոնը:

Դիտումների քանակը: 3568
Մեկնաբանել կայքում
մեկնաբանւթյուն

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Հեղինակի մասին