Այվազյանը և Վարհեին քննարկել են ռազմագերիների հայրենադարձման հրամայականը

Այվազյանը֊Վարհեի

ՀՀ արտգործնախարար Արա Այվազյանը երեկ Եվրոպական հանձնաժողովի հարևանության և ընդլայնման հարցերով հանձնակատար Օլիվեր Վարհեիի հետ հեռախոսազրույց է ունեցել, որի ժամանակ քննարկել են ՀՀ-ԵՄ գործընկերության օրակարգի մի շարք հարցեր։ Տեղեկությունը հայտնում է ՀՀ ԱԳ նախարարությունը։

Զրուցակիցները միմյանց շնորհավորել են ՀՀ-ԵՄ Համապարփակ և ընդլայնված գործընկերության համաձայնագրի լիարժեք ուժի մեջ մտնելու կապակցությամբ՝ համոզմունք հայտնելով, որ այն նոր թափ կհաղորդի Հայաստան-Եվրամիություն հարաբերություններին:

《ՀՀ ԱԳ նախարարը և ԵՄ հանձնակատարը մտքեր փոխանակեցին Արևելյան գործընկերության ետ-2020 տեսլականի շուրջ՝ ընդգծելով նախաձեռնության ամբողջականության և ներառականության ապահովման կարևորությունը》, – նշված է հաղորդագրության մեջ:

Հեռախոսազրույցի ընթացքում անդրադարձ է կատարվեց նաև տարածաշրջանային անվտանգության ու կայունության հարցերին` կարևորելով Արցախի ժողովրդին տեղում հումանիտար օգնության տրամադրումը: Այվազյանն առանձնահատուկ ընդգծել է նոյեմբերի 9-ի եռակողմ հայտարարությամբ ամրագրված հումանիտար պարտավորությունների իրագործման, մասնավորապես՝ ռազմագերիների և այլ պահվող անձանց հայրենադարձման հրամայականը։

Դիտումների քանակը: 3632
Հետրեք մեզ telegram-ի միջոցով: @arcakh24
Մեկնաբանել կայքում
մեկնաբանւթյուն

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Հեղինակի մասին