Բայրամովը սահմանազատման վերաբերյալ հայտարարություն է արել

Ադրբեջանը պատրաստ է սկսել Հայաստանի հետ առանց նախապայմանների սահմանազատման և սահմանագծման գործընթացը։

Այս մասին, ըստ ադրբեջանական մամուլի, փետրվարի 4-ին հայտարարել է Ադրբեջանի արտաքին գործերի նախարար Ջեյհուն Բայրամովը Օլիվեր Վարհելիի հետ համատեղ մամուլի ասուլիսում։

Բացի այդ, Բայրամովը եվրահանձնակատարին ներկայացրել է Ադրբեջանի «ազատագրված» տարածքների վերականգնողական աշխատանքների մասին։

«Մենք քննարկել ենք, թե ԵՄ-ն ինչ ձևաչափով կարող է աջակցել մեզ այդ հարցերում: Այդ ամենը ցույց է տալիս, թե որքան ընդարձակ է Ադրբեջանի և ԵՄ-ի միջև համագործակցության օրակարգը»,- հավելել է նա։

Հիշեցնենք, որ դեռ երեկ լրագրողների հետ զրույցում ՀՀ արտգործնախարար Արարատ Միրզոյանը նշել էր, որ Բաքուն բացասաբար է արձագանքել սահմանազատման և սահմանագծման հարցով Հայաստանի առաջարկներին։

Դիտումների քանակը: 3642
Հետրեք մեզ telegram-ի միջոցով: @arcakh24
Մեկնաբանել կայքում
մեկնաբանւթյուն

Թողնել պատասխան

Ձեր էլ-փոստի հասցեն չի հրապարակվելու։

Հեղինակի մասին