Կարևոր է, որ Հայաստանը և Ադրբեջանը վերացնեն ապրանքների տեղափոխման խոչընդոտները։ Շեշտել է ԱՄՆ պետդեպարտամենտի խոսնակ Նեդ Փրայսը։
«Կարծում ենք, որ այս առաջին փուլում շատ կարևոր է, որ կողմերն իրենք վերացնեն ապրանքների տեղափոխման խոչընդոտները, այդ թվում՝ մարդասիրական աջակցություն ապահովեն միջանցքից օգտվողների համար»,– ասել է Փրայսը` հավելելով, որ կենտրոնանալու են դիվանագիտության վրա, որպեսզի օգնեն ապահովել այդ հնարավորությունը։
ԱՄՆ պետդեպարտամենտի խոսնակը մեջբերել է Հայաստանի վարչապետ Նիկոլ Փաշինյանի ու Ադրբեջանի նախագահ Իլհամ Ալիևի հետ հանդիպման ժամանակ ԱՄՆ պետքարտուղար Էնթոնի Բլինկենի հայտարարությունը. «Նա ընդգծել է, որ Լաչինի միջանցքը [Բերձորի միջանցք] առևտրային և մասնավոր անցման համար պետք է լինի բաց և ազատ։ Նա նաև հորդորել է կողմերին բացել սահմանային հաղորդակցությունները»։
Թողնել պատասխան