Փետրվարի 5-ին Ստեփանակերտ քաղաքում տեղի է ունեցել նախկին տպարանի շենքի շուրջ ծավալված հերթական դատական նիստը, որն այնուհետև վերածվեց ինքնաբուխ բողոքի ակցիայի։
Հայցվորը` սնանկության գործով կառավարիչ Արմեն Խաչատրյանը, Аrcakh24.info լրատվական կայքի աշխատակցին հաղորդել է, որ ինքնաբացարկի միջնորդություն է ներկայացրել դատավոր Ջահանգիրյանին հիմք ընդունելով այն հանգամանքը, որ վերջինս այլ գործով նույն հարցի շուրջ իր դիրքորոշումն էր հայտնել, իսկ քննվող գործի ելքը չի կարող կանխորոշված լինել։
Վեճի հակառակ կողմը, սակայն, պնդում է, որ նշված հանգմանքները պարզ էին իսկզբանե և ինքնաբացարկի միջնորդությունը պետք է տրվեր ավելի վաղ: Սնանկության կառավարիչն, ըստ իրենց, նպատակ է հետապնդում գործը ձգձգել: Այդ պատճառով պատասխանող կողմը և իրենց համախոհները բողոքի ակցիա անցկացրեցին դատարանի շենքի դիմաց:
Թողնել պատասխան