Ձերբակալություն՝ Սյունիքում

Մայիսի 14-ին Գորիս-Ստեփանակերտ ճանապարհը փակելու դեպքի առթիվ 8 անձ բերման է ենթարկվել, մեկ անձ ձերբակալվել է։ Այդ մասին հաղորդում է ՀՀ Քնչական կոմիտեն:

Դեպքի առթիվ հարուցվել է քրգործ՝ Քրեական օրենսգրքի 258-րդ հոդվածի 3-րդ մասի 1-ին կետի  (խուլիգանություն) հատկանիշներով։

Համաձայն հաղորդագրության՝ մայիսի 14-ին, ժամը 15:30-ի սահմաններում, մի խումբ անձինք «Գորիս-Ստեփանակերտ ավտոճանապարհի Տեղ բնակավայրի բենզալցակայանի դիմացի ճանապարհահատվածում մի խումբ անձինք, բացահայտ անհարգալից վերաբերմունք ցուցաբերելով համայնքի բնակիչների և երթևեկության մասնակիցների նկատմամբ, կոպիտ կերպով խախտել են հասարակական կարգը, որը զուգորդվել է անձանց նկատմամբ բռնություն գործադրելով»:

Խուլիգանություն կատարելու կասկածանքով ձերբակալվել է մեկ անձ, իսկ նրա կողմնակից մյուս 7 անձանց նկատմամբ որպես խափանման միջոց կիրառվել է ստորագրություն չհեռանալու մասին:

«Ձերբակալված 44-ամյա տղամարդը ոստիկանության Գորիսի բաժնում բռունցքով կոտրել է աշխատասենյակներից մեկի պատուհանի ապակին», – հայտնել է ՀՀ Ոստիկանությունը։

Մեր խմբագրության ստացած տեղեկություններով բողոքի ակցիայի մասնակիցները պահանջում էին վերադարձնել իրենց զենքերը` Սյունիքի ինքնապաշտպանությունն իրականացնելու համար։

Տեղեկացնենք, որ ձերբակալված անձն ազատամարտիկ Արթուր Եպիսկոպոսյանն է (Մոնախ)։ Նա հայտարարել է հացադուլ և ջրադուլ։

Դիտումների քանակը: 3715
Հետրեք մեզ telegram-ի միջոցով: @arcakh24
Մեկնաբանել կայքում
մեկնաբանւթյուն

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Հեղինակի մասին