Անթալիայում ընթանում է Եվրասիական պետությունների խորհրդարանների ղեկավարների երրորդ միջազգային համաժողովը, որին մասնակցում է նաև Հայաստանի Հանրապետության ԱԺ նախագահի տեղակալ Էդուարդ Շարմազանովը:
Համաժողովի ընթացքում, երբ նախկին վարչապետ Բինալի Յըլդըրըմը՝ որպես Թուրքիայի խորհրդարանի նախագահ, խոսքը տրամադրել է Հյուսիսային Կիպրոսի չճանաչված Թուրքական Հանրապետության խորհրդարանի նախագահին, Էդուարդ Շարմազանովը ի բողոք Հյուսիսային Կիպրոսի տարածքները Թուրքիայի կողմից օկուպացիայի դեմ՝ լքել է դահլիճը:
Այդ մասին հայտնի դարձավ ՀՀ խորհրդարանի մամլո ծառայության հաղորդագրությունից։
Ինչպես հայտնի է, համաշխարհային հանրությունը չի ճանաչում Թուրքիայի կողմից Կիպրոսի տարածքների օկուպացիան:
Թողնել պատասխան