Հայաստանում Եվրամիության դիտորդական առաքելությունը մտահոգությամբ է հետևում վերջին օրերին հայ–ադրբեջանական սահմանին լարվածության աճին և փոխհրաձգություններին։ Այդ մասին հայտարարել է Հայաստանում ԵՄ առաքելությունն իր թվիթերյան միկրոբլոգից։
«Մեր պարեկները մշտադիտարկում են սահմանային տարածքները և հակամարտության հատվածները՝ զեկուցելու ռազմական գործողությունների և անվտանգության պահպանման մասին»,– նշված է առաքելության տարածած հաղորդագրության մեջ:
Առաքելությունից նաև նշել են, որ իրենց մշտադիտարկումների մասին արդեն զեկուցել են Բրյուսել։
Հիշեցնենք, որ ադրբեջանական ԶՈւ–ն սեպտեմբերի 1-ին՝ ժամը 07:50-ից սկսած, ինտենսիվ կրակ է բացել Գեղարքունիքի մարզի Սոթք և Նորաբակ համայնքների հատվածում տեղակայված հայկական դիրքերի ուղղությամբ։ Ադրբեջանը կիրառել է նաև ականանետեր և անօդաչու սարքեր: Հայկական կողմն ունի 3 զոհ, 2 վիրավոր:
Թողնել պատասխան