Հայաստանի խորհրդարանի նախկին նախագահ Գալուստ Սահակյանի որդին՝ Արման Սահակյանը, որպես մեղադրյալ է ներգրավվել Քննչական կոմիտեում քննվող քրեական գործի շրջանակներում:
Այդ մասին Sputnik Արմենիայի թղթակցին հայտնեց ՔԿ-ի խոսնակ Ռիմմա Եգանյանը:
«Արման Սահակյանին, մի քանի անձանց հետ միասին, որպես մեղադրյալի մեղադրանք է առաջադրվել քրեական գործով, որը կապված է Երևանի դպրոցներից մեկի կողքին գտնվող հողամասի օտարման հետ: Նախաքննությունը շարունակվում է», — ասաց Եգանյանը:
Քննչական կոմիտեն չի բացահայտել քրեական գործի հետ կապված այլ մանրամասներ՝ ելնելով նախաքննության շահերից:
Հիշեցնենք, որ 2011-2018 թվականներին Արման Սահակյանը զբաղեցնում էր ՀՀ կառավարությանն առընթեր պետական գույքի կառավարման վարչության պետի պաշտոնը:
Թողնել պատասխան