Ինչպես հայտնում են Հայաստանի Հանրապետության արտակարգ իրավիճակների նախարարությունից, մայիսի 3-ին, ժամը 14: 21-ին Ճգնաժամային կառավարման ազգային կենտրոն ահազանգ է ստացվել, որ Հաղարծին համայնքից դեպի նույնանուն վանք տանող ճանապարհին երեխա է ընկել ձորը (մոտ 3 մ):
Արտահերթ դեպքը տեղի է ունեցել ՀՀ Տավուշի մարզում։ Դեպքի վայր է մեկնել մեկ մարտական հաշվարկ:
Փրկարարները օգնել են Գագիկ Թ.-ին (ծնված 2009 թ.) դուրս գալ Հաղարծինի վանքի մոտ գտնվող կիրճից և հանձնել են նրան շտապօգնության աշխատակիցներին:
Տղան հոսպիտալացվել է Բերդի բժշկական կենտրոն, որտեղ բժիշկները նրա վիճակը գնահատել են բավարար:
Թողնել պատասխան