Հոկտեմբերի 29-ին, Հայաստանի Ազգային ժողովի արտահերթ նիստի ընթացքում ՀՀԿ փոխնախագահ, ԱԺ արտաքին հարաբերությունների հանձնաժողովի նախագահ Արմեն Աշոտյանը հայտարարեց,որ մեկ շաբաթ առաջ Ընտրական օրենսգրքի առաջարկվող բարեփոխումները արդեն իսկ անհաջողության են մատնվել, սակայն ներկայիս իշխանությունը գտել է նոր ձև ձախողված Ընտրական օրենսգիրքը վերադարձնելու քննարկման։
“Վարչապետը հավանաբար նստած է հեռուստացույցի առջև և կարծում է, որ նա Հուլիոս Կեսարն է, իսկ ՀՀԿ-ն, ՀՅԴ-ն, ինչպես նաև “Ծառուկյան”-ն ու “Ելք”-ը, գալլական ցեղեր են, իրար կուտեն ինքը իր կայսրությունը կընդլայնի։ Չի լինելու նման բան։ Հետագա ձախողման համար քաղաքական պատասխանատվությունը կրում է միայն վարչապետ Նիկոլ Փաշինյանը, անկախ նրանից, թե քանի պատգամավոր կկարողանա մոբիլիզացնել այսօրվա քվեարկության համար։ Քաղաքական կոնսենսուս չկա: Հանրապետականը դեմ է քվեարկելու”։
ՀՀԿ փոխնախագահը նաև կոչ արեց հակառակ կարծիքն ու քաղաքական բազմակարծությունը չխառնել սաբոտաժի հետ, քանի որ դա միայն դիրքորոշման դրսևորում է․ “Եվրոպայի Խորհրդի որևէ անդամ պետությունում Ընտրական օրենսգիրքը ընտրություններից 42 օր առաջ չեն փոխում: Հայաստանը դառնալու է երևի թե առաջինը Եվրոպայի խորհրդի ողջ տարածքում, որ ընտրություներից 42 օր առաջ հիմնարար փոխում է Ընտրական օրենսգիրք”։
Ավելի մանրամասն տեսահոլովակում․
Թողնել պատասխան