Երևանի քաղաքապետարանը պարգևատրել է իր աշխատողներին: Քաղաքապետ Հայկ Մարությանի համապատասխան հրամանը հրապարակվել է քաղաքապետարանի կայքում:
840 հազար դրամի պարգևատրում ստացել են չորս փոխքաղաքապետերը, երկու խորհրդական, Երևանի գլխավոր ճարտարապետ Արթուր Մեսչյանը, ինչպես նաև մայրաքաղաքի վարչական շրջանների ղեկավարները: Միայն երկու ամիս առաջ նշանակված Կենտրոն շրջանի ղեկավարը չի պարգևատրվել:
Պարգևատրվել է շուրջ 130 աշխատակից, իսկ ընդհանուր բոնուսային ֆոնդը կազմել է մոտ 65 միլիոն դրամ:
Հիշեցնենք, որ անցած տարի բոնուսային ֆոնդը կազմել էր 474 միլիոն դրամ։
Երևանի քաղաքապետ Հայկ Մարությանը ինքն իրեն չի պարգևատրել, ինչպես նաև չի պարգևատրել անցած Ամանորին։
Թողնել պատասխան