Դեկտեմբերի 10-ի կեսօրին Ադրբեջանի ԶՈՒ ստորաբաժանումների ձեռնարկած նախահարձակ գործողությունների արդյունքում ծավալված փոխհրաձգության հետևանքով հայկական կողմն ունի մեկ զոհ, ևս մի քանի զինծառայող վիրավոր է։ Այդ մասին հաղորդում է ՀՀ պաշտպանության նախարարության մամուլի ծառայությունից։
Գերատեսչությունը զոհված և վիրավոր զինծառայողների մասին այլ տեղեկություն չի տրամադրել` նշելով, որ տվյալները, ինչպես նաև վիրավոր զինծառայողների առողջական վիճակի մասին տեղեկությունները կհաղորդվեն ավելի ուշ։
«Ժամը 14։30-ի դրությամբ փոխհրաձգությունը դադարել է։ Իրավիճակը գտնվում է ՀՀ ԶՈւ լիարժեք վերահսկողության ներքո»,-նշված է հաղորդագրության մեջ։
Ավելի վաղ ՊՆ-ից հայտնել էին, որ այսօր ժամը 12։00-ի սահմանում Ադրբեջանի ԶՈւ ստորաբաժանումները հարձակում են գործել հայ-ադրբեջանական սահմանի արևելյան ուղղությամբ տեղակայված հայկական մարտական դիրքերի վրա։ Հայկական կողմի պատասխան գործողությունների արդյունքում հակառակորդը, կրելով մարդկային կորուստներ, հետ է շպրտվել ելման դիրքեր։
Իր հերթին Ադրբեջանը մեղադրում է հայկական կողմին Քարվաճառի դիրքերը գնդակոծելու համար:
Թողնել պատասխան