Ղազախստանի նախագահ Կասիմ-Ժոմարտ Տոկաևն այսօր վավերացրել է Հայաստանին նավթամթերք մատակարարելու մասին համաձայնագիրը։ Այդ մասին հաղորդում են ղազախական լրատվամիջոցները:
«Պետության ղեկավարի կողմից ստորագրվել է «Ղազախստանի Հանրապետության կառավարության և Հայաստանի Հանրապետության կառավարության միջև Հայաստանի Հանրապետություն նավթամթերքի մատակարարումների ոլորտում առևտրատնտեսական համագործակցությանը վերաբերող համաձայնագիրը վավերացնելու մասին» Ղազախստանի Հանրապետության օրենքը»,- հաղորդում է աղբյուրը` հղում կատարելով երկրի նախագահի մամուլի ծառայությանը։
Համապատասխան համաձայնագիրը ստորագրվել էր 2020 թվականի հուլիսի 16-ին Ղազախստանի մայրաքաղաք Նուր-Սուլթանում։ Օրերս համաձայնագիրը հավանության էր արժանացել Ղազախստանի օրենսդիրների կողմից:
Թողնել պատասխան