Միքայել Արզումանյանն ազատվել է Արցախի Հանրապետության պաշտպանության նախարար-պաշտպանության բանակի հրամանատարի պաշտոնից։ Նման տեղեկություն է տարածել ԱՀ նախագահի մամուլի ծառայությունը։
Արայիկ Հարությունյանը գեներալ-լեյտենանտ Միքայել Ալբերտի Արզումանյանին պաշտոնից ազատելու մասին հրամանագիրը ստորագրել է այսօր` սեպտեմբերի 11-ին։
Ըստ հաղորդագրության` ՊԲ հրամանատարը պաշտոնից ազատվել է իր դիմումից համաձայն։
Արզումանյանը ՊԲ հրամանատար էր նշանակվել 2020-ի հոկտեմբերի վերջին` Ջալալ Հարությունյանի ծանր վիրավորում ստանալուց հետո։
Համաձայն նույն հաղորդագրության Արայիկ Հարությունյանի մեկ այլ հրամանագրով գեներալ-մայոր Կամո Բահատուրի Վարդանյանը նշանակվել է Արցախի Հանրապետության պաշտպանության նախարար-պաշտպանության բանակի հրամանատար:
Հիշեցնենք, որ սեպտեմբերի 9-ին «Արմենպրես» լրատվական գործակալության հետ զրույցում ԱՀ նախագահի մամուլի քարտուղար Լուսինե Ավանեսյանը նշել էր, որ Արայիկ Հարությունյանը Պաշտպանության բանակի հրամանատար Միքայել Արզումանյանի հրաժարականի դիմում չի ստորագրել:
Թողնել պատասխան