Հունաստանում, Ալբանիայում և Կիպրոսում Հայաստանի Հանրապետության արտակարգ և լիազոր դեսպան Տիգրան Մկրտչյանը իր ֆեյսբուքյան էջում գրառում է կատարել` անդրադառնալով Կորնթոսի քաղաքապետի հայտարարությանը:
«Ի պատասխան բազմաթիվ բողոքների առ այն, որ Հարավային Կորեայում իբրև թե «ադրբեջանական» ներկայացվող Շուշին կնքել է համագործակցության պայմանագրեր մի շարք քաղաքների, այդ թվում հունական Կորնթոս քաղաքի հետ, վերջինիս քաղաքապետն է արձագանքել»,- գրում է Մկրտչյանը:
«Ես միանշանակ ձեզ հավաստիացնում եմ, որ չեմ պատրաստվում ստորագրել, կամ անգամ Կորնթոսի քաղաքային խորհրդում քննարկման դնել Շուշի քաղաքի հետ համագործակցության պայմանագիրը: Ես չեղարկում եմ Շուշի քաղաքի հետ համագործակցության պայմանագրի մտադրության մասին ստորագրությունը»,֊ նշված է Կորնթոսի քաղաքապետի պատասխան նամակում։
Թողնել պատասխան