Արցախի Հանրապետության Մարտակերտի քաղաքապետ Միշա Գյուրջյանին մեղադրում են «խարդախությամբ խոշոր չափերով հափշտակության և փաստաթղթեր կեղծելու» համար։ Նման հաղորդագրություն է տարածել ՀՀ քննչական կոմիտեն։
«Նախաքննությամբ պարզվել է, որ Մ. Շ-ն և Վ. Ս-ն նախնական համաձայնությամբ՝ խմբով, այլ անձի (անձանց) սեփականության իրավունքով պատկանող, խոշոր չափերով՝ 1.935.000 ՀՀ դրամ արժողության «CHEVROLET LACETTI-1.4» մակնիշի (2010 թվականի թողարկման) թեթև մարդատար ավտոմեքենան խաբեությամբ հափշտակելու դիտավորությամբ 2024 թվականի հունվարի 12-ին միասին ներկայացել են ավտոմեքենայի օտարման գործարք կատարելու պետական մարմին, որտեղ Վ. Ս-ն, ներկայացնելով կեղծ տեղեկություններ վերոգրյալ ավտոմեքենան օտարելու լիազորություն ունենալու մասին, առանց օրինական հիմքի հանդես գալով պայմանագրի կողմեր՝ Վ. Ս-ն որպես նվիրատու, իսկ Մ. Գ-ն (Միշա Գյուրջինյան,–խմբ.)՝ նվիրառու, կազմել են իրավաբանական նշանակության փաստ հավաստող կեղծ փաստաթուղթ՝ նվիրատվության պայմանագիր»,- տեղեկացնում են ՀՀ ՔԿ-ից։
ՀՀ ՔԿ-ից հայտնում են, որ նախաքննությունը շարունակվում է։
Հավելենք նաև, որ բերման էր ենթարկվել նաև ԱՀ Ասկերանի շրջանի ղեկավար Հայկ Շամիրյանը։
ԱՀ նախկին ՄԻՊ Ռուբեն Մելիքյանի փոխանցմամբ այս պահին խուզարկվում է նաև Ստեփանակերտի քաղաքապետի տունը։
Թողնել պատասխան