Մեծ Բրիտանիան մեկ միլիոն ֆունտի (1,3 միլիոն դոլար) ֆինանսական աջակցություն կցուցաբերի ղարաբաղյան պատերազմից տուժածներին, հայտարարել է երկրի արտգործնախարարությունը։
«Միացյալ Թագավորությունը վերստին կոչ է անում հակամարտության բոլոր կողմերին փոխգործակցել ԵԱՀԿ Մինսկի խմբի հետ և բանակցություններ սկսել՝ խնդրի խաղաղ ու քաղաքական լուծման ուղղությամբ», — ընդգծել է արտգործնախարար Դոմինիկ Ռաաբը։
Պաշտոնական հայտարարության մեջ նշվում է, որ Լոնդոնի մարդասիրական օգնության նպատակն է դեղամիջոցներ, պարեն տրամադրել, ինչպես նաև ժամանակավոր կացարաններ ստեղծել՝ տեղահանվածների համար։ Գումարը կփոխանցվի Կարմիր խաչի միջազգային գործակալությանը։
Ավելի վաղ նույն նպատակով Եվրամիությունը 400 հազար եվրո էր հատկացրել, Գերմանիան՝ երկու միլիոն։
Թողնել պատասխան