«Փյունիկ» հիմնադրամի նկատմամբ,որի նախագահն է Սերժ Սարգսյանի եղբայր՝ Լևոն Սարգսյանը նոր քրեական գործ է հարուցվել հանցավոր ճանապարհով առանձնապես խոշոր չափի գույք ձեռք բերելու և իրացնելու հատկանիշներով։
«Փյունիկ» հիմնադրամը 2017 թ-ին նվիրաբերել է Սերժ Սարգսյանին Հովհաննես Այվազովսկու «Նավը ծովում» կտավը, որը 2011-ին գողացվել էր ռուս գործարար Ալեքսանդր Տարանցևի առանձնատնից։ «Փյունիկ»-ը նշել էր, որ «երկրի նախագահը արժեքավոր նվերը հանձնել է Հայաստանի պատմության թանգարանին»։ Ավելի ուշ պարզվել էր, որ ո՛չ Հայաստանի պատմության թանգարանում, ո՛չ էլ Ազգային պատկերասրահում «Նավը ծովում» կտավ չկա։
«Փյունիկ» հիմնադրամի հիմնադիր Լևոն Սարգսյանն մեղադրվում է նաև ապօրինի հարստացման մեջ։ Նրա նկատմամբ հայտարարվել է հետախուզում։
civilnet.am
Թողնել պատասխան